موضوع: موضوع مفصل وشامل عن نظام الهيدروليك ونظام الهواء والفرق بينه

[مفحط الحاره]

بسم الله الرحمن الرحيم

أولا الي شجعني إني اكتب الموضوع انه تقريبا هذا النوع من التعديل
بداء ينتشر في عالم تعديل السيارات خصوصا عندنا في السعودية

وثانيا الأفكار الخاطئة الي لاحظتها عند اغلب الشباب عن النظامين
لأنه الأغلبية بيخلط بين الهيدروليك سستم
والأيرباق سستم أو نظام الهواء

واكبر خطأ شائع هو مقولة (هيدروليك زيت) (وهيدروليك هواء) وهذي الكلمتين كلها خطأ

الهيدروليك سيستم ما يحتاج انك تقول هيدروليك زيت لأنه كلمه هيدروليك يقصد بها
نوع الزيت الي بيشتغل بيه النظام أو أساس تشغيل النظام
والذي يسمى ( زيت الهيدروليك ضغط 10 )
وموجود في محلات قطع الغيار والبناشر

أما نظام الهواء مثل الأيرباق سيستم واكبر خطأ انك تقول عليه هيدروليك هواء
الخطأ انه السيستم حق الهواء مايدخل فيه نقطة زيت واحده لأنه يعتمد كليا على
الهواء المضغوط أو المشحون
وأنا سوف أفسر معانيها بالتفصيل

راح أبداء بشرح النظامين بالتفصيل وسوف تلاحظون الفروق بكل وضوح
(الهيدروليك سيستم أو نظام الهيدروليك)
[Link nur für registrierte Benutzer sichtbar]
[Link nur für registrierte Benutzer sichtbar]
نظام الهيدروليك يعتمد اعتماد كلي على الزيت
وكيف يعمل ؟؟

يعمل النظام بالبطاريات السائلة أو البطاريات العادية مثل اللي تركب في السيارات 70 أمبير أو 80 أمبير
او الي يسمها ( بطاريات الكتروني ) مثل السيارات الأمريكيه تقريبا
وسعرها من170 إلى 250 ريال سعودي
والأفضل هي البطاريات الجل وهذي غالية يوصل قيمه البطارية الوحدة إلى 400 ريال
وتستخدم غالبا في سيارات القصور أو سيارات ملاعب لعبة القولف
وهذي صوره الطرمبه او ابمب
[Link nur für registrierte Benutzer sichtbar]
و تحتاج المسعدات الخاصة بالهيدرولك لكن اسمها ليس مساعدات بالمعنى الحقيقي
خصوصا في هذا النظام وتسمى سيليندر أو بالعامية بستم
وهذي صورها واشكالها
[Link nur für registrierte Benutzer sichtbar]
ولابد من تغيير اليايات أو السست الخاصة بالهيدرولك لكي توصل قوه اليايات إلى حمل 4طن
وهذي تسمياتها ومقاساتها في شركات الهيدروليك
طن ونص , 2طن , 2.5طن , 3طن ........الخ ومقاساتها كثير
وهذي صورها واشكالها

[Link nur für registrierte Benutzer sichtbar]
[Link nur für registrierte Benutzer sichtbar]
ونظام الهيدروليك يعتمد أساسا على طرمبة الزيت أو بمب لضخ الزيت
وليات خاصة بنظام الهيدروليك تتحمل ضغط عالي جدا جدا حتى يكون في نظام تصنيعها

تغليف بطبقه أسلاك (يعني تمسك السلك كأنه كفر ضغط)
وهذي صوره تبين الليات الخاصة بالهيدرولك
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
وكل مقاس من هذي اليايات لها ميزه وكل ما أصبح الياي اقوي وأطول يكون
التنقيز بالسيارة أعلى وأقوى
وبالعكس كل ما كان الياي أقوى كل ماكانت السيارة أقسى وأصعب في السواقة


وهذي صوره الكت كامل
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
ونسيت أقلكم انه في نظام الهيدروليك لازم الشنطه ينشال منها كل القماش للأمان أو سيفتي خاص
انك تشيل القماش الي موجود في الشنطه كامل وتطلي الشنطه مواد عازله للحريق والماس الكهربائي

ليش ؟؟؟؟؟؟؟؟؟
أنا عارف إنكم بتتسائلوا هذا السؤال وهاذي الإجابة
لأنه في بعض الأحيان البطاريات تعمل شرار أو الأسلاك الكهربائية تسخن وتحترق لحالها
أو ممكن يحصل ماس كهربائي وهذا لو كان بجانبه أي شي سريع الاشتعال
يكون موجود بالشنطة في السيارة يعني أي شرار أو أي ماس أو سلك ينحرق
يعني الله يخلف عليك أنت وسيارتك لأنه ممكن تحط في الشنطه أكثر من 6 بطاريات
ولمن توصلها إلى 24 بطارية و شي أكيد انه السيارة راح تنحرق لهذا السبب تلغي
أي شي سريع اشتعال من الشنطة

والهيدروليك يفضل انك تركبه على السيارات الدفع الخلفي الي ( بالعربي يكون فيها دفرنس )
والسيارات القديمة أو الأمريكي الكلاسيكية والونيتات لأنه الهيدروليك يحتاج سيارة صلبه وقويه
في نفس الوقت

وفوق قوتها لازم تدعم الشاسي أو تقويه وتدبل حديد الشاسي و المقصات و الدفرنس

وكل شي له طريقه في تدعيمه
وأحيانا تحتاج سلاسل للتدعيم
وتحتاج جنوط سلك صغيره مقاس "14 أو"13 وأقصى شي مقاس 15" اذى تبغى تسوي شغب
وفي حالة تبغى تسوي جنان بالسيارة ممكن تركب أي مقاس كبير بس لاتنقز باسياره عشان
لاتنكسر الجنوط أوتحبل الكفرات وتكره اليوم الي ركبت فيه الهيدروليك



مميزات الهيدروليك

1- أول شي ممكن يخلي السيارة تمشي على 3 كفرات
[Link nur für registrierte Benutzer sichtbar]
[Link nur für registrierte Benutzer sichtbar]
2- سرعة رائعة جدا في النزول والطلوع وكل مازادت البطاريات كلما كان أسرع (هذي العملية فيها هندسه كهربائية يعني ممكن تشغل 6 بطاريات في وقت واحد بقوه 24 بطارية - أوضح أكثر
[Link nur für registrierte Benutzer sichtbar]
بطارية + بطارية + بطارية + بطارية + بطارية + بطارية = 72v الكل على جميع الطرمبات الأربع
(بس انه راح تنتهي البطاريات بسرعة)


لكـــــن

بطارية + بطارية + بطارية + بطارية + بطارية + بطارية = 72v على الطرمبه رقم واحد
بطارية + بطارية + بطارية + بطارية + بطارية + بطارية = 72v على الطرمبه رقم اثنين
بطارية + بطارية + بطارية + بطارية + بطارية + بطارية = 72v على الطرمبه رقم ثلاثة
بطارية + بطارية + بطارية + بطارية + بطارية + بطارية = 72v على الطرمبه رقم أربعة

(أخذنا نفس القوه بس الفرق حتى العمر الافتراضي للشحن مده أطول
مع انه الطرمبه الوحدة تحتاج على الأقل 36V
3- ممكن تنقز بالسيارة اعلي من 2 متر)
[Link nur für registrierte Benutzer sichtbar]
4- ممكن يعيش 10 سنوات أذى كان تركيبه واستخدامه صح
وبدون (حسد وعيون على الطاير لأنه شي يجيب العجب)

5- ممكن ترفع السيارة مسافات عاليه جدا وتلصقا في الأرض في نفس الوقت
[Link nur für registrierte Benutzer sichtbar]
أما نظام الهواء أو الأيرباق سيستم



نظام الهواء يعتمد اعتماد كامل على الهواء فقط الي يكون مضغوط في اسطوانة هوائيه
يعبأ فيها الهواء لكي تكون السيارة مستعدة لأي حركه تتطلبها من السويتش
وكل ما كان عدد مواطير الهواء اكبر أو اقوي كلما كان أفضل
ويفضل دائما بس كمومروسرين قويه تكفي


وهذي صوره الكومبروسرات(كمبرسر او طرمبه هواء) الي تتعبى الهواء
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
وهذا هو شكل عام الكت كامل


صوره كت الأيرباق سيستم
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
الهواء اللي يرفع السيارة بيروح على ( مساعدات الهواء) الي في هذا النظام لازم نستغني عن هذا الأسم
ونقول ايرباق سيستم (البالونات الهوائية) أو سيليندر اير سيستم (زي البستم )
وهذي صورهم


صوره الأيرباق سيستم
[Link nur für registrierte Benutzer sichtbar]

صوره إير سيليندر أو بساتم الهواء
[Link nur für registrierte Benutzer sichtbar]
وحتى نظام الهواء يحتاج ليات الي توصل الهواء إلى الأيرباق

ويحتاج وحده بطارية في الشنطة بس عشان توفر كهرباء إضافية الطرمبات حقت الهواء
وما يحتاج وجود سست أو يا يات في نظام الهواء


ميزاته



سهل التركيب

غير مكلف وسعره يبدأ من 7000 ريال إلى 15000 ريال وكل مازودت وقويت القطع وعدلت زاد سعره
ما يحتاج تدعيم أو تقويه في البودي
وما يحتاج سيارات صلبه أو فيها شاص قوي زي الهيدروليك والصوره تثبت

[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
مريح في السواقة خصوصا في الأيرباق سيستم لأنه السيارة ماشيه على هواء منفوخ في بلونات (يعني أخر فله وأحلى نطنطه) امى في نظام السيليندر أو البستم شوي أقسى وكل واحد يفضل على حسب نوع السيارة الي راح يركب عليها

يركب على كل السيارات سواء خلفي أو أمامي

تقدر تستخدم السيارة بشكل يومي بكل راحة تقريبا

ما يأخذ مساحه كبيره في السيارة والصور توضح اكثر
[Link nur für registrierte Benutzer sichtbar]
عيوبه نظام الهواء



تحتاج تأخذ تقريبا 5دقائق حتى تشحن الأسطوانات في أول تشغيل وأذى كثرت في الاستعراض لازم تعطي المواطير فرصه تشحن هواء

بصراحة في رائيي الخاص ما أحس انه رائع مثل الهيدروليك لأنه ما يمشي على ثلاث كفرات وما ينقز السيارة

بالإضافة لذلك حركاته تعتبر بطيئة جدا بالنسبة للهيدروليك بكثير, وطلوع السيارة سريع لاكن نزولها بطيئ ويعتمد أكثر شئ على وزن السيارة في سرعه النزول تقريبا

[شيخ الحاره]

مشكووووور مفحط على الموضوع وشرح للهدروليك

[مفحط الحاره]

مشكور شيخ الحاره على ارد

[اّه ياقسى حالي]

مشكووووووووووووووور خيو على هيكي موضوع
ويبغى لنا نركب في الشبح اللي بالتوقيع هيدلولك
هع هع هع هع

الا ماتعرف كم اسعارهم
وارخص شي بكم
يازين الرخص

[مفحط الحاره]

مشكور اخوي على ارد الجميل

[اقشر الحاره]

مشكووووووووووووووور
مفحط

[مفحط الحاره]

مشكور اقشر على ارد الطيب

[ولد العيون]

مشكور اخوي ودمت بود
انا ديرتي ياناس مدينة اهل العيون

[مفحط الحاره]

مشكور ولد اليون على ارد الجميل