أخيراً وبعد مشوار الالف ميل عاشق هستره في الاشراف ..

[مطرب الحاره بو فيصل]

السلام عليكم ورحمة الله وبركاته ..

نعم عزيزي القارئ صدق او لا تصدق اني كنت بالامس متسدح على جبهة ملك الظلام .. هاهوا عاشق هستره يقبل الاشراف بعد محاولات كثيره كان سبب فشلها هوا وندوز 98 .. حيث السبب هوا رسالة الخطأ الغير شريف !! لكن حان الوقت لنغير من نهجنا ونقوول لبيل قيتس(( اسررررررري حملت اكس بي غصباً عن دين اهلك مجااااناً !! )) ..

في بدايتي للموضوع سأكون صريح كعادتي السنوويه وهيا التشرف بالسلام على حارس الشركة واقوله خد ال50 ريال ديه حق غسيل السياره .. سأكون واضح لنظرتي للمنتدى بعد غيابي المنتدى في تصاعد كبير في عدد الاعضاء لكنه يشكوووا الترابط بين الاعضاء الدائمين فالكل مسوي حزب لحاله وحافر خندق عند ساحه معينه ولا نفسه بمجرد زياره لمنتدى آخر .. ولو رجعنا لسبب هوا اكيد كثرت الاغتيالات من عيال الكلب لليهووود ..

المنتدى غابووا اعضائه الدائمين (( عن عن حيييييط .. صقر المحبه .. امينيم .. اسير الذكرى .. ترانيم الالم .. وردة الربيع .. مصرقع ومقرقع .. واللسته تطوول)) .. حاولت اعرف ايش الهرجه لكن بدون فايده .. حتى عن عن حييييط ادور عليه في الماسنجر ولا في الشات مكان ماكنت اشووفه هناك طااار .. امينيم نفس الشي .. صقر المحبه موجود ومش موجود .. أسير الذكرى مضيفني في الماسنجر ببريدين والى الان ماشفته ولا مره!! الكثير من المشرفين لايزالوا في عداد المفقودين .. وآخر واحد حصلتووا هوا The Master حصلته في الماسنجر قالي(( انا آسف يازووووول غلطتا عليكا كتيييييير بس من جد آسف )) جيت اقوله مااااااااستر ماااااااااااااااااااستر مايرد عليا !! يمكن من فرحة اللقاء ودموووع(دات كم) الفرح << شكلوو حضرك قلك دموع الفرح !!

ماهي الاغراض والاسباب التي جعلتني اقبل الاشراف بعد المده الطويله هذي؟ .. ولا اشوف احد يعترض واذا احد اعترض لا يرد هنا.. لاني مشرف وبمسح اي اعتراض هاههههههههههاي

اولاً لغرض سياسي بحت وهوا الحصوول على الجواز العصامي والذي يخولني((في احد قاعد يسبني؟؟))للطرد والمسح واللعب راس حربة((وراس صقر المحبه))ويجعلني قادر على التحرك بشكل اكبر((طيب ياكوفي انان))في الساحات العصاميه ودون الخووف من كمين للجوازات التي تطاردني من اول يوم سجلت فيه وكانووا مافي الا انا بدون جواز عصامي .. عمى

استخدام مصطلح((نحن في الاداره العصاميه)) او باللغه العاميه((نحنوو في الحكومه العربجيه)) نتحكم .. نمسح .. نمنع .. نشووووت العضو الجديد .. نرررحب لما نكون رايقين بس .. مو احنا الحكووومه ؟؟ هيا مين بيتكلم على الحكومه .. كويس ماحد رد الا الان<< واحد سكران ..

المنتدى اللي بشرف عليه لا يقبل((شيكات كااش فقط))المواضيع المنقووله واللي بينقل موضوع بنقله انا من منتديات عصومي لمنتديات"فااشل ودليل انك فشلت رفسناك لمنتدى ثاني" .. مفهوم حبايبي ؟؟!!<< مشرف .. انت ايش تعرف .. اتكلم من منطلق القوة واللي هيا عضلات عصوم وخلودي

محاولة فاشله ((حاول مره اخرى طيب)) لإرجاع الساحات المقلعه كما كانت ولو على الاقل تنشيطها .. ولانسمح باستخدام الحبوب المشطنه ..

ابغى مشرفه تشاطرني الاشراف على هذا القسم .. وبالمره كمان ندردش انا وهيا وقت فراغنا في الساحه ديه .. واسالها عن رايها في برنامج استار اكاديمي ومين اكثر واحد حبيتيه بشار ولا عطيه !! وانواع الكذب والدجل وبعدين ارسلها رسالة خاصة اقولها المنتدى بدونك مايسوى نادي الاتحاد .. مع انها لسى سايبه المنتدى لوقت النوم فقط .. وبكره ترسلي رسالة خاصه تقولي عندك ماسنجر ؟ اقولها لا معليش الماسنجر عندي مسوين صيانة في حفريات لشركة الكهرباء واخاف يطولوا كالعاده .. بس عندي جوال الباندا وجهيتوو وجهية بي ام وانواااااع الترقيم بالنصب والدجل .. ومعليش ياخلودي انت وعصومي .. ماراح اقبل الاشراف الا لما تجيبوا لي بنت معايا<< مشهد من افلام المشرفين في المنتديات(الاخرى) ..

اي احد يتكلم عن عاشق هستره او يحاول بالمساس بالمشرف عاشق هستره((حفظه الله)) راح يكون مصيره حرمانه من قراءت مواضيع خيالي نجدي عشان يقول((احسن برضوا فكه)) .. والله يعيننا ماعندنا غير خيالي نجدي نهّرب العالم من المنتدى بمواضيعه اللي تشبه جمل قد كتب عليه (( خيالي نجدي - النسيم - البحرين))<< باص 39 راكب ونص هههههههههههههههاي ..

وفي نهاية الموضوع انا اناشد عصومي اللي ارسلي فااكس يعرض عليا الاشراف فيه ويقولي((عادي سير مشرف ولا تجي يكفينا اسم بنتك هستره في المنتدى)) افااا بس ياعصووومي طلعت اهدافك غير شريفه كرسالة الوندوز 98 .. المهم اناشدك تعطيني الصلاحيات والرخص ورخصة البلديه لهذي الساحه ولا تورط دين امي تطلع مختارني مشرف عشان اكلها لحالي بسبب الرخصه !! .. هيا اعقل ولا قولي من دحين خليني اشوف طريق جده من وووووين

جعلني الله مشرفكم المنقذ والناطق بلسان المواطن العصامي المستضعف .. وقلم المرأه العصاميه((مووو سعلوووه))الحرة التي عجزت من انتزاع حقوقها بين العصاميين الرجال وخاصة حرب صقر المحبه وامنينم...والذين ينددون بحقوق المرأه في المطبخ فقط !!!!!!! حفظني الله لكم جميعاً واطال في عمري وجعلني ذخراً للسلام الوطني العصامي((ناديت لأمي وجاوبتي*** نعم وجع وش تبي)) .. والله ولي التوفيق

عاشق هستره - مشرف ساحة القصص المقلعة - اديسا بابا

-----
بالله شباب تخليوو تمسك غلط مع عصومي ومايحطني مشرف بعد شروطي ديه !!! لكن ماعليكم عندي واسطه على الماسنجر دحيييين اقوله خلي عصومي مشرف على التسجيل السريع
-----

تحياتي ..