حياكم على سفرة ام عزيزان المصوره :)

[اقشر الحاره]

[Link nur für registrierte Benutzer sichtbar]


طبعا من بعد الدلع في بيت اهلى وفي بيت زوجي ابدا ماطبخت اصناف الرز والاطباق الريسيه كان دايم يكون عندنا طباخ او طباخه لهذا الشغل

ولكن هالسنه احكمت الظروف وسافرت الطباخه وجبت وحده بس ماتعرف تطبخ

وبما اني من محبات الطبخ شمرت ذراعي على الاطباق الرئيسيه وغيرت اشوي من الحلويات

والحمدالله طبخي نال على الاعجاب وضبط معاي واطلعت اطباق الغداااااء سهله جدا غير لما كنت احسبها صعبه بالاول

وعلى فكره يا بنات ترى الطبخ نفس ... يعني اللي تحب الطبخ ان شاء الله راح يكون طبخها حلو وراح تتفنن فيه بنفسها... ومهما تطورنا في الاطباق لازم نطبخ اطباقنا الشعبيه ... واغلب البيوت تتشابهه الاطباق مابينهم

وطبعا وابدا ودائما ابحث عن اسهل الطرق [Link nur für registrierte Benutzer sichtbar]


وانا مابي اتقيد وايد بالمقادير لان كلن وحسب ذوقه في البهارات والاضافات والمقادير حسب اعداد افراد الاسره

ونبتدي في اول طبق بسم الله

حمسة الربيان مع الرز الابيض

خفيفه وشهيه وسريعه

[Link nur für registrierte Benutzer sichtbar]



ربيان منظف ومغسول ومهم جدا يا بنات تنزعون الخيط الاسود بالظهر

وكركم ... وملح ... وماء للطبخ ...

اول شي انظف الربيان واحط الماء على النار ولما يسخن انزل عليه الربيان واضيف له الملح والكركم واخليه لما يستوي ثم اصفيه ... والوقت ياخذ حوالي النص ساعه او ساعه الا ربع على حسب حجم الربيان

احمس البصل والثوم بالزيت القليل ثم اضيف ملعقه معجون طماط (لاتكثرون حتى مايروح طعم الربيان ) ولما يبتدي يذوب اشوي اضيف عليه الربيان ثم البهارات والكركم ثم الاشبت المفروم واحركه على هالحال تقريبا ربع ساعه

الحين اطبخ الرز بالطريقه العاديه .. احط ماء مغلي واضيف عليه الملح وملعقة زيت وكم حبة فلفل اسود ... وممكن اعواد دارسين اذا تحبين ... ولما يغلي اضيف الرز المغسول والمنقوع ... ولما يستوي اصفيه ... اضع في القدر (نفس القدر اللي طبخنا فيه الرز ) زيت ولما يسخن انزل عليه الرز المصفى واحط عليه صفار الزعفران المنقوع بالماء... ثم اضيف عليه حمسة الربيان حتى ياخذ ريحة الربيان الشهيه ... واتركه على نار هاديه جدا بعد ما اضع تحته حديده لمدة ساعه الا ربع او نص ساعه...ثم اقدمه مع الدقوس

[Link nur für registrierte Benutzer sichtbar]

[Link nur für registrierte Benutzer sichtbar]

[اقشر الحاره]

السلام عليكم ورحمة الله وبركاته ,,

كيفكم بنااات [Link nur für registrierte Benutzer sichtbar]

من كم يوم طلعت للسوبر ماركت << من زمااااااااااان ما طلعت له
المهم وانا اقضي من المثلجات لفتت انتباهي هالعجينه واسمها سولاف ,, هي جاهزه مقطعه دواوير صغيره وبنكهات ( شوكلاته وفواكه وبرتقااال ,,,,,,,,, الخ )
وتاخذينها وتحطينها في كاس الورق مده معينه بعيدن تخبزينها ودك تضيفين فووقها اي نكهه على راحتك

ياليت اي وحده جربتها تجي تفيدنا << والا ترى بجربها ولو صار لي شي انتم السبب [Link nur für registrierte Benutzer sichtbar]

هذي صورها


[Link nur für registrierte Benutzer sichtbar] ([Link nur für registrierte Benutzer sichtbar])







[Link nur für registrierte Benutzer sichtbar] ([Link nur für registrierte Benutzer sichtbar])







[Link nur für registrierte Benutzer sichtbar] ([Link nur für registrierte Benutzer sichtbar])


مصورتها من الثلاجه حقت السربر ماركت على طول ويمكن الصور مو واضحه [Link nur für registrierte Benutzer sichtbar]

ولسا ماشريتها [Link nur für registrierte Benutzer sichtbar] قلت بسألكم اول