تعال واسقني من حبك ترى جسمي بدا يذبل

[همس الوله]

أبيك تحب أبيـك تحن أبيـك تولــهـ مثل الأول
آبى عينــك تناظرنـي و تـترقب لجيــاتي..!!

أبيك تحس أبيـك تـــرد آبى البعــد ما يطـول
أبيك تشوف حبي لك مع قلبي وفي ذاتي..!!

أبيك تلومني لين غبت أبيك تثور أبيـــك تزعـل
وآبى أرضيك بخضوعي ومعك بكل غاياتي..!!

تعال قول لي أنت غلطـان أبيك ما تخجــل
تعال بلهفة العاشق تعال اسمع مناجاتي..!!

تعال قول أنا احبــك آبى عروقـي بها تنبـل
أبيك تكون لي الدرب و اقـرب مســافاتي..!!

تعال اسقيني من حبك ترى جسمي بدى يذبل
تعال وشوف كثر الهم بدى يظهر بنظراتي..!!

تعال اشكي لك همومي خلاص أرجوك لا ترحل
أنا محتاج لوجودك يجمع باقي شـــتاتي..!!

أبيك النور أبيك الشمس أبيك الليل أبيك الضل
أبيك أنت آلي الدنيا وتكون أخر محطاتي..!!

وإذا تأخرت بجياتي أبيك تنطر أبيك تســـال
ومهما غبت عن عينك أبيك تخاف و تحاتي..!!

و إذا ماتت الفرحة وخـــان الوقت و تبـــدل
آبى أيدك تلازمني و تمسح كل دمعاتي..!!

و إذا تحت التراب جسمي بيبقى حبي و يظل
معاك دنياي أنا فيها ومن دونك نهاياتي..!!

أبيك تبكي علي موتي وآبى حزنك علي يطول
وأبيك تذكرني و تذكـــر كل رغبـــاتي ..!!

[اتعبني غروري]

يعطيك العافيه....هموسه..

على هالانتقاء الحلو...............وعلى فكره لاحظت عليك حسك وتذوقك الفني في الشعر...

...لاتحرمينا من جديدك..

[همس الوله]

يسلمو خيتو كلك ذووووق

مشكوووووره على مروووووووووورك

[سفير الحاره]

صح لسانك اختي وصح لسان قايله عل القصيد
عشتي لاهنتي

[همس الوله]

تسلم

مشكووووور على مرووووووووورك