كـ ـل مـ ـاسليـ ـ ـت نفسـ ـ ـي بالحيـ ـ ـاة!!!

[عمده الحاره]

كل ما سلّيت نفسي بالحياة
ثار فيني جرح في قلبي بقى

ان سليت شوي جتني الذكريات
تنزف الدمعات وان عز البكى

كيف أبسلى والخناجر مدميات
تطعن اللي ما سلا صدر وقفى

كيف أبنسى والليالي شاهدات
ترسم المحبوب يوم أنه قسى

قلت اسلّي خاطري بالباقيات
لا طرى المحبوب كنه ما طرى

وان دما جرحي بقول الوقت فات
والا انا انسان مسرع ما نسى

وش علي من الجروح الغاديات
ما علي من الغرام اللي مضى

كل ماضي بدمحه بالمقبلات
والعنا لا بد يـــوم ٍ ينمحى

كل شي ٍ له حياة وله ممات
ما بدا نزف الدما الا وانتهى

البلا لا قلت يالله للمنات
ثم عزمت اللي خيالي له نوى

هل دمعي من جروح ٍ كاويات
مالها مرهم ولا طب ودوى

مير ذا حظي وما لي به سوات
إن رقيت العز حظي ما رقى

في دروب الليل تحيا الخافيات
لا غدا بالقلب هم ٍ ما غدى

ذا جريح الحب ليله كالعبات
ساتر الدمعات يضمر ما جرى

لاح حزنه بالنجوم العاليات
لين عوّد يم عيونه ثم رسى

الله أكبر كيف ترسى الراسيات
وأشهد انه شال فوق المستوى

وأدري أنه قال تحيا الشامخات
لين روّح في مقام اللي فنى

بس انا بحفظ دروس ٍ سابقات
لين أسلطن في مقام اللي حيى

للسعادة مقبلات ٍ ماضيات
والهنا مليون شي ٍ يهتنى

عشت هم وعشت فرحه وأمنيات
وأن عنيت بشي غيري به سلى

والحزن في وسط قلبي ما يبات
والفرح ما زال حي ٍ ما سرى

ذي حياتي رغم سو الذكريات
لي هنايه فوق دمعات وبكى

آه يا حلم السعادة بالحياة
لو بقى بالعمر فرصه وش بقى !!